ஸ்ரீராமானுஜர் வாழ்கை வரலாறு சித்திர வடிவில்
வீட்டிற்கு திரும்பிய இராமாநுஜர், தன் மனைவி கச்சி நம்பி சாப்பிட்ட இலையை குச்சியால் தள்ளியதை பார்த்து மிகவும் வருந்தினார்.
மேலும் பிரசாதம் கேட்டு வந்த பாகவதர் ஒருவருக்கு இல்லை என்று திருப்பி அவர் மனைவி அனுப்பினார்
ஏற்கனவே, ஆளவந்தாரை நேரில் காண முடியாமல் போன ஏமாற்றமும், அவருடைய அடியாரின் “சேஷம்” பெற முடியாமல் போன துயரமும் அவரின் மனத்தில் இருந்தது. அதனால், இந்த நிகழ்வு அவருக்கு மேலும் வேதனையைக் கொடுத்தது.
கோபத்தை அடக்கிக்கொண்டு,
“ஒரு பெரிய பக்தருக்கு இப்படித்தானா மரியாதை காட்டுவது?” என்று மனைவியிடம் கேட்டார்.
“ஒரு உயர்ந்த பக்தர் சாப்பிட்ட மீதியை உண்ணும் பாக்கியம் எனக்குக் கிடைக்காமல் போய்விட்டதே” என்று மனம் வருந்தினார்.
அதற்கு அவள்,
“கீழ் சாதியைச் சேர்ந்தவர் சாப்பிட்ட மிச்சத்தை யார் சாப்பிடுவார்கள்? நான் சாதி மரபுப்படியே நடந்துகொண்டேன். தவறு எதுவும் செய்யவில்லை” என்று பதிலளித்தாள்.
அப்போது அவர் மனத்தில்,
“பெருமாளுடன் பேசும் அளவுக்கு உயர்ந்த பக்தருக்கு சாதி எப்படி பொருந்தும்?” என்ற எண்ணம் எழுந்தது.
மேலும் பிரசாதம் உள்ளே இருக்கையில், பாகவதருக்கு இல்லை என்ற மனைவியை கோபித்தார்
தான் ஒரு பெரிய பக்தருக்கு அவமரியாதை செய்துவிட்டோமோ என்று நினைத்து, அதற்குப் பரிகாரம் தேடி கச்சி நம்பியிடம் ஓடினார். அவரது காலில் விழுந்து மன்னிப்பு கேட்டார்.
இராமாநுஜரின் மன வேதனையைப் பார்த்த கச்சி நம்பி, அவரை அன்புடன் ஆறுதல் கூறினார். ஆனால் இராமாநுஜரின் மனம் இன்னும் முழுவதும் அமைதியாகவில்லை.
பெருமாளுடன் பேசும் அருள் பெற்ற கச்சி நம்பியிடம், தமக்கு தெளிவுபடுத்த வேண்டிய ஆறு விஷயங்கள் உள்ளன என்று இராமாநுஜர் கூறினார்.
அந்த ஆறு விஷயங்களுக்கும் இறைவன் என்ன தீர்ப்பு சொல்கிறார் என்பதை கேட்டுத் தெரியப்படுத்துமாறு கச்சி நம்பியிடம் கேட்டார். கச்சி நம்பியும் அதற்கு சம்மதித்தார்.
அன்றைய இரவு, தன் கோவில் பணிகளை முடித்த கச்சி நம்பியை தேவப்பெருமாள் அன்புடன் பார்த்தார்.
எல்லாவற்றையும் அறிந்த பெருமாள்,
“நீர் ஏதாவது சொல்ல விரும்புகிறீரா?” என்று கேட்டார்.
அப்போது கச்சி நம்பி,
“இளையாழ்வாரின் மனதில் சில சந்தேகங்கள் உள்ளன. அவற்றுக்கு விளக்கம் அருள வேண்டும்” என்று கேட்டார்.
உடனே தேவப்பெருமாள், அனைவராலும் “ஆறு வார்த்தைகள்” என்று அழைக்கப்படும் ஆறு கட்டளைகளை, கச்சி நம்பி மூலமாக இராமாநுஜருக்கு அருளினார்.
மறுநாள் கச்சி நம்பி, தேவப்பெருமாள் அருளிய “ஆறு வார்த்தைகள்” என்பதை இராமாநுஜரிடம் கூறினார். அவை, இராமாநுஜர் தன் வாழ்க்கையில் பின்பற்ற வேண்டிய முக்கிய கொள்கைகள் ஆகும்:
நானே முழு முதற்கடவுள்
– திருமாலே உயர்ந்த இறைவன்.பரமாத்மா தனித்தவன்
– ஜீவன் மற்றும் இறைவன் வேறுபட்டவர்கள்.சரணாகதியே வழி
– இறைவனை அடையும் வழி சரணடைதலே.மரணபயம் தேவையில்லை
– இறைவனை நம்பியவர்களுக்கு இறுதி நேர நினைவு பற்றிய கவலை வேண்டாம்.உடல் முடிந்த பின் முக்தி
– மனிதன் இறந்த பிறகே முக்தி பெறுவான்.பெரிய நம்பியை ஆசார்யராக ஏற்க வேண்டும்
– அவரை வழிகாட்டியாகப் பற்ற வேண்டும்.
இந்த ஆறு உபதேசங்களும், இராமாநுஜரின் வாழ்க்கை வழியும் கொள்கைகளும் தெளிவாக அமைந்தன.
இவ்வாறு தேவப்பெருமாளின் அருளைப் பெற்றதால், இராமாநுஜரின் புகழ் எல்லா இடங்களிலும் பரவியது.