ஸ்ரீராமானுஜர் வாழ்கை வரலாறு சித்திர வடிவில்

காஞ்சிக்கு திரும்பிய பிறகு, இராமாநுஜருக்கு தன் முன் மூன்று பெரிய பொறுப்புகள் இருப்பது தெளிவாகப் புரிந்தது. ஆளவந்தாருக்குப் பிறகு, ஸ்ரீவைஷ்ணவ சமயத்தின் தலைமையைத் தாமே ஏற்க வேண்டிய நிலை வரும் என்பதையும் உணர்ந்தார். அதற்கு தன்னைத் தகுதி உடையவராக மாற்றிக் கொள்ள வேண்டும் என்று முடிவு செய்தார்.

இதனால் அவரது மனம் குழம்பியது. என்ன செய்வது என்று தெரியாமல், இறைவன் வழிகாட்டுவார் என்று நம்பி, திருக்கச்சி நம்பியின் உதவியை நாடினார். அவரையே தன் ஆசார்யராக ஏற்றுக் கொண்டு, பஞ்ச சம்ஸ்காரங்களைப் பெற்று, ஆன்மிக வாழ்க்கையைத் தொடங்க வேண்டும் என்று எண்ணினார்.

அதற்காக, திருக்கச்சி நம்பியைத் தன் வீட்டிற்கு உணவருந்த வருமாறு அழைத்தார். கச்சி நம்பியும் சம்மதித்தார்.

இராமாநுஜர் தன் மனைவி தஞ்சமாம்பாளிடம், கச்சி நம்பிக்காக நல்ல உணவு தயார் செய்யச் சொன்னார். அவர் உண்ட பிறகு மீதமுள்ளதைத் தான் உண்டு தூய்மை பெற வேண்டும் என்று நினைத்தார்.

தஞ்சமாம்பாள் உணவு தயார் செய்து முடித்தபின், “இன்னும் அவர் வரவில்லையே” என்று கணவரிடம் சொன்னாள். உடனே இராமாநுஜர் அவரை அழைத்து வர கோயிலுக்கு சென்றார்.

அதே நேரத்தில், கச்சி நம்பியும் தன் பணிகளை முடித்து வேறு வழியாக வந்து இராமாநுஜரின் வீட்டை அடைந்தார்.